Секој учесник ќе треба да дојде на стартот со својот велосипед спремен за трка, со поставен стартен број напред на својот велосипед. На стартот треба да се појави 10 минути пред своето стартно време кое е објавено во стартната листа. Редарите на трката ќе ве спроведат до стартната линија.
На три места на патеката ќе има медицински екипи. Ако ви е потребна помош, обратете се кај волонтерите, судиите или медицинските лица.
После влегување во целта, учесникот треба да продолжи и да не се задржува во зоната на цел.
Право на учество имаат сите постари лица од 16 години во категоријата ПРО и ХОБИ. При подигање на стартните броеви секој учесник потпишува изјава дека настапува по своја одговорност, за малолетните лица во трките ПРО КИДС оваа изјава ја потпишува нивниот старател.
*Во моментот на пријавување, при пресметката на годините се зема во предвид возраста на учесникот на почеток на годината, односно на 01.01.2022 година.
Задолжително е носење кацига, и секој доаѓа на трката со исправен велосипед. Не се дозволени Еко велосипеди, односно електрични велосипеди.
Доколку имате потреба пред стартот или по завршување на трката, во зоната на стартот ќе има и неколку пункта за сервисирање на велосипедите од наши познати велосипедски продавници кои ќе имаат свои штандови.
Бројот на учесници е ограничен во сите категории. Пријавувањето може да биде затворено и пред предвидениот рок.
Резултатите на сите натпреварувачи и ранг листата ќе можат да се следат во живо на нашата веб страна и на www.tagtiming.mk
Церемонија на прогласување на победниците ќе биде во 14:00 часот. Најдобрите 3 во машка и женска конкуренција, во сите категории ќе бидат наградени.
Во трката ХОБИ ќе бидат наградени и најдобрите во три возрасни категории, проверете ја листата на резултати.
Секој натпреварувач се замолува да ги почитува правилата на трката и да се однесува фер спрема сите останати натпреварувачи.
Доколку натпреварувачот не се придржува до правилата ќе биде дискфалификуван од трката.
